|
| 近來愛上種植, 不是那些很麻煩, 要自己一手一腳常常料理那種 ; 而是現成, 倒些水就可以的那種罐裝植物, 貪佢方便又易種~ 兩多月前, 買了一權怕羞草, 因為小時候在公園常常看見, 也覺得挺特別, 也有點像我(講得出應該都唔係怕羞了~ ) 每一天看著佢成長, 都幾開心, 由一d野都冇, 到發芽, 到依家越生越多, 每一天見到都覺得大自然的奇妙!! 自己唔種過都唔知, 因為每天都加水, 所以每天都會轉動罐身, 我做左咁多年人, 依家才知道原來植物係會向住陽光那邊成長的~  有一天看著那怕羞草時, 天父對我說, 我們的生命也是一樣, 要每一天都要向住"光"才可以健康成長, 所以聖經說, 神是光, 也是道路, 真理, 生命, 如果我們不是向住光, 就沒有健康的生命, 更不會有真正的生命!! 到了日落, 那些怕羞草也會開始將葉子全部收起, 我們的生命也是一樣, 肉體上, 到晚上就要"休息有時", 保持健康身體!! 屬靈上, 我們都要學習拒絕黑暗, 才可以健康地成長!! 要學習這些, 真是用一生都學不完, 天父呀, 我都是軟弱的人 , 求天父幫助, 憐憫及帶領~ | | |
| 上星期在安靜時, 神給了我關於獻祭的領受 如果大家有看過舊約中的獻祭, 都知道獻祭其實是一件"十分煩複"的事, 因應情況, 分開了5種不同的祭, 當中有燔祭, 素祭, 平安祭, 贖罪祭, 贖愆祭~ 而每個祭, 事前事後都總要做一些事情, 有些比較簡單, 有些比較複雜, 如贖愆祭 "或是他摸了別人的污穢，無論是染了甚麼污穢，他卻不知道，一知道了，就有了罪。他有了罪的時候，就要承認所犯的罪；並要因所犯的罪，把他的贖愆祭牲，就是羊群中的母羊，或是一隻羊羔，或是一隻山羊，牽到耶和華面前為贖罪祭；至於他的罪，祭司要為他贖了" 利未記5:3-6!! 試想想, 一個人口咁多既民族(以民數記中計算, 估計人口可能高達二百萬), 他們都以露營方式(支搭帳棚)地生活(因為易於移動), 衛生問題一定唔會太好吧(唔會以為有流動厠所吧), 可想而知是很容易沾染污穢的一個地方~~ 如果每沾染一次污穢就有了罪, 就要找祭司為其贖罪, 從經文去看, 或許只係帶個人同隻羊去到一處地方, 為那個想贖罪的人做一些儀式就可以, 但咁做法, 都真係隨時有機會做到爆粗(係到既意思即係好慶咁解, 但都不排除真係會講粗口) , 而再拉後看大一點, 這只是其中之一條例, 其他都未計, 而利未人祭司當時大約有二萬幾人左右, 簡單地計, 一個人對一百個人, 可想而知當時祭司係幾咁忙 , 看到呢到應該唔止會做到爆粗咁簡單!! 如果用今日既用語講, 直頭會問上帝係唔係玩野, 我地利未人係何烈山拜金牛犢事件，明明跟從摩西的勸告，企係摩西果邊，即係神上帝袮果邊, 同拜金牛的以色列人對立, 擺到明係聽教聽話啦, 諗住被上帝揀選成為服事上帝既一族, 係會幕附近做野, 點睇都係一份高薪厚職唔駛點做果隻啦........但依家就做到成隻........ 今日, 我們相信每一個基督徒都因著耶穌的死而成為祭司, 叫每個人都能夠與神相交, 而今天的敬拜隊, 因著不是每一個信徒都懂得敬拜神的關係(因為敬拜神本身是要用"生命及生活"去敬拜), 所以神透過牧者揀選一班生命裡特別願意委身的人, 成為榜樣, 幫助人去到神面前 咁夠竟我之前講舊約獻祭同今日我地有咩關係呢?? 當時的獻祭, 事前事後都要做好多野, 獻祭前要準備及挑選品質好的祭物(好多時都要冇殘疾的牲口甚至要係最先出產及最好的), 獻祭過程要小心每一個步驟, 壇上的火要不斷燒, 完左後又要做清理....... 就好像今天我們的崇拜, 不是一到崇拜時間就可以開始, 事前事後都要做好多野, 搬運, setup, 清潔, 還原, 我們也要不斷做好自己(就好像不斷在燒的壇火), 每個部份其實都是敬拜, 崇拜的一部份, 也是很重要的部份~~ 如果照舊約的律列, 今天我們的服事態度, 隨時有機會會"死左都唔知咩事", 因為我們很多時都錯誤運用耶穌的恩典, 來滿足自己; 做得不滿意或做得唔開心就想離開, 這就是我們已經被現今的文化影響 (也就是舊約時代所講的拜偶像, 因為以色列人跟隨別國文化而生活, 不再跟隨神)!!! 試想想, 如果那些祭司在獻祭給神時因為太忙太辛苦而埋怨人埋怨神, 甚至爆粗, 不滿就離開............ohohoh..........情況會如何呢?? 而為什麼上帝要如此麻煩, 獻祭要搞咁多野, 係唔係因為利未人祭司其實唔係上帝揀選, 而係因為上帝要玩佢地, 睇出佢地口講就話站係上帝果邊, 其實佢地係出賣同伴既一班人??? 又或者上帝要設立那麼多的項目, 用今時今日既說法就係..."打工".....上帝其實係大老闆, 出得糧比我地(賜與恩典及祝福), 相對地當然就要做番多d野啦~ 我確信的是........ 重點是在於上帝要我們在每件事的過程及每件小事中, 都要學習順服及謙卑!!!! 上帝派佢兒子耶穌基督來到地上為我地既罪而死, 獻上了最大的祭, 所以對上帝認真的基督徒為了回應神既愛, 都想為神做番d事 ......但上帝最想看到的不是我們為佢做咩大事, 因為大事係上帝比我地機會, 我地先有機會做到, 就算我地唔求, 上帝隨時都會放係我地面前要我地去做, 但順服及謙卑, 係由我們自己決定, 由我地自己去選擇, 如果小事上都沒有順服及謙卑, 上帝一定唔會比大事我地做~ 如聖經中都有提到, 其實神是輕慢不得的, 今天我們跟隨主, 是真正跟隨還是因為自己的喜好呢? 而我們看待教會中每一樣服事又是什麼呢?是一個服事主, 回應主的機會, 還是只是因為領袖叫到的關係而做呢?? | | |
| 今天重看了四年前的一篇舊XANGA, 再一次分享給大家~ 意外的感動！
無論和誰聊天，如果說到某某得到了哥哥姐姐或者父母的饋贈，大家都會說
：『我要是有這麼好的哥哥姐姐或者父母該有多好啊！』我們習慣聽到這樣的感嘆和羨慕。那天，偶然看了一則小故事，講的是一位先生在聖誕節得到哥哥送給他的新跑車。車子相當漂亮，停放在門前。當他出來準備開著新車去兜風的時候，發現車子旁邊有個七八歲的小男孩圍繞著車子轉，眼睛貪婪地看著車子，一會用手摸摸車身，一會摸摸輪子。這位先生走過去。
男孩問：『先生，這是你新買的車嗎？』他說：『不是，是我哥哥送給我的聖誕節禮物。』男孩的眼睛立刻放出異彩，大聲喊道：『哇！是你哥哥送給你的啊！』得到肯定的回答後，男孩感嘆道：『我多麼希望……』這位先生想，下面的話一定是：『我多麼希望也有這樣一個哥哥啊！』可是，男孩的話卻出乎他的意料，男孩說：『我多麼希望我也是這樣的哥哥啊！』男孩意外的回答讓人感動。他決定帶這個男孩一同去兜風。男孩興奮地上了車，並同時提出一個要求，說：『先生，您能不能在另一條街區停一下？』這位先生按照男孩的請求在另一街區的一所房子跟前停下來。男孩飛快地跳下車跑到房子裡，不大工夫從房子裡背出一個四五歲的小男孩。他把男孩放在門前的台階上，高興地介紹說：『這是我弟弟！』
這位先生看見，他弟弟雙腿嚴重殘疾，不能走路。男孩興致勃勃地對弟弟說：『弟弟，你看，將來我要給你買的就是這麼一輛漂亮的車。你快看……』我的雙眼被淚水蒙住，再也看不清眼前的字。生活中的我們，得到和索取已經成了習慣性思維。男孩出人意料的行為和話語讓我意外地感動，好久好久不能釋懷。心若改變，你的態度跟著改變；態度改變，你的習慣跟著改變；習慣改變，你的性格跟著改變；性格改變，你的人生跟著改變。在順境中感恩，在逆境中依舊心存喜樂，認真活在當下。 | | |
| 上回講到我有今天少少既成果(係呢個音樂既大海洋裡, 其實我只係一滴水), 係因為以前曾經努力過~ 至於之前講到當我正想入敬拜隊之時, 牧者也同時邀請我!!而當時敬拜隊領袖,就是今天 "福臨教會屯門聚會點牧者大使徒伍尚森傳道"(個名好長), 當時他跟我說要解散當時的敬拜隊, 原因係隊員們係屋企唔練野, 返到教會又唔想練歌, 只係想威, 所以亞森決定"血洗敬拜隊" !! 之後再組成得我同佢既初代WORSHIP TEAM!!! 點解係初代??? 我記得當時青年區成立左冇耐, 咁我記憶中解散果班應該都係組成冇幾耐就解散, 所以我一相情願地認為係, 我先係初代, 感覺威少少麻, 哈哈!! 至於點解亞森當時要找我, 我就唔太記得了,haha~不過我入隊既原因如之前所講, 係因為想學習敬拜神, 用自己所學的服事神, 我既生命係唔係好好??我可以肯定講其實都係"勇字行頭, 傻字係後" , 生命都係唔成熟的(18-9歲,都係傻下傻下果隻law )!!每次敬拜跟住亞森一齊彈一齊唱, 會彈彈下跟唔到, 停左, 到下一個bar又彈過, 雖然當時我支結他係冇plug in, 勝在面皮夠厚, 但依家想想下, 其實都幾影響下面d人敬拜的, 不過感謝主比機會大家學習接納我呢(我相信係 )~ haha 而第一次帶敬拜, 係一次好有神既安排下出現!!有一天, 亞森突然問我, 你有冇想過帶敬拜, 我當時回應佢說未係時候, 覺得自己未得!咁亞森當然尊重我既意見啦, 但過左冇耐(記得係一兩個月之內既事), 佢突然同我講佢黎緊要入camp, 有一個星期既崇拜唔係到...... ........ ...............主呀 , 點解咁快.........!!!佢同我講重有一個月既時間預備, 又有樹華幫手, 叫我返去祈下禱, 咁我返去祈禱啦, 覺得呢個都係神比我既一個考驗黎既, 所以之後都覆番亞森話要試下~ 我記得因為係我第一次, 所以我都好用心去預備, 相比起依家的大家, 我當時技術真係麻麻, 又唔係聰明過人果種, 彈到唱到已經叫好好, 咁當時心情都很緊張, 記得都算順利完成, 樹華事後說帶得不錯呢(牧者都係好識建立人既)!!不過, 果一次之後, 就冇再係青年區崇拜帶過了~(唔知係好定係唔好呢,哈哈) 直到亞國帶職青區時, 我才再有機會帶敬拜, 不過都係一段時間後既事了, 而中間確實有好多轉變, 留待下次分享!! | | |
| 都休息左三四個月, 近幾天在預備今個星期敬拜隊月會的信息, 令我再一次回想起自己還是敬拜隊員前後的事情 問 : 為什麼我會入敬拜隊?? 答 : 因為神感動我, 加上牧者的邀請與時間上的吻合, 當時其實都未有異象的, 都只係想用自己所學的去祝福人, 想為神做多一點事情, 當時都只係想做一個結他手, 冇諗過帶敬拜, 因為都怕面對人~ 還記得我入敬拜隊時, 番左教會都只係一年左右吧(好似係,haha), 學左結他一段時間, 不過彈d野可以用一塌糊塗來形容, 還記得係我入隊一段時間後, 有一次自己在練習時, 有一位姊妹行過時說"你夠竟係到彈緊咩??" (唔係問我彈緊咩歌既意思, 咁大家應該明啦), 可想而知我彈得係幾咁差!!哈!! 當時當然會唔開心啦(都冇咩嬲過那位姊妹), 不過都一直都很喜歡彈結他, 自問我不是天才(但都唔係白痴 :p), 也不是有天份(其實很想像別人一樣有天份), 係兩樣野都唔係既情況下, 唯有自己努力做好佢!! 當時每天都會用兩三個鐘來練結他的, 因為覺得用木結他會嘈到屋企人, 所以突登買左支平既電結他唔插野就咁彈(另一個買既原因係覺得型,ok??) 我一直都冇要屋企或教會比咩我, 只知道要成長, 係要自己主動去做, 找人問, 練習, 死練, 基本上上到教會就會找結他彈, 番屋企又彈果隻, 搞到有一次牧者都同我講, 唔好番到來淨係彈結他, 同弟兄姊妹多d溝通~haha!!! 別人看到我的進步, 不是因為我有天份, 而是我用時間去換番來的, 因為知道應該係要自己努力做好佢! 待續......... | | |
|
